14. 價格差異

現今的一樓一，大致可分成以下幾個價格級別：

$300
這一級別的囡囡一般不是重口味就是沒甚麽服務，我也沒甚麼好說，因為我跟本不會去看。

$350
現今比較正常“可食用”級別的最低端，有少數囡囡樣貌身材不差，服務則要靠運氣，也別抱太大期望，衛生環境一般也比較差。

$380-$400
現時最普遍的價格級別，這一類囡囡一般來說樣貌和服務都不會太差，但也不會十分出色，只有少數是樣貌身材和服務兼備，可是通常都要排隊輪候。

$450
現時只有少數囡囡從$400提升至這個價位，至於早年這個價位的囡囡現在都早已升至$500。而這一群從$400加價至$450的囡囡，大部份都是早已有一批長期熟客支持，服務質素亦有一定保證，所以在繁忙時間也自然要排隊等候，反而在平日下午非繁忙時間就有機會即時入閘。

$480-$500
這個價位主要集中在尖沙咀及銅鑼灣，其實整體質素未必比$400至$450那一些囡囡好，主要是基於地區問題而有此訂價，以特顯期地區優越感，另外房租也是其中但並非唯一理由。

$600以上
這價位首見於上環某名廈，早年該處之囡囡，部份的確算是對得起這價格，但近年則大多是一班因該大廈名氣而遷入的囡囡，是否囡有所值則見人見智，但該處房租特別貴則早已是公開的秘密。後來其他地區少部份囡囡也加價至$600甚至$900，當中少數是因為生意實在太好，跟本做不完，唯有加價以降低需求。

其實每個價格帶都有其既定特色及主要服務對象，正所謂百貨應百客，其實我們只要正確地對號入座，通常都不會有太失望的體驗。但如果硬要去找那些$300的囡囡，卻要求有$500的質素，那結果不該稱之為跌錢，而是自討沒趣！

13. 真，假

囡囡給人的印象，通常都是滿口謊言、演技十足的影后級人馬，至於那些連戲也不願交的，大都會被評為無服務、態度差。可凡事總有例外，就看你能否夠運遇到。

最近遇到一位頗為誠實的囡囡，樣貌算是十分標緻，眼大大鼻高高嘴小小。可是後來發現她的胸是假的，鼻也是假的。我直接問她，她竟然很老實大方地承認了，還對我說因為那是新做了沒太久所以會比較硬。本來我也不以為然，只是看她談吐溫文爾雅，對她的印象還是不差。後來我在另一座大廈再次遇到她，看到她有個客人剛入去一分鐘左右就返出來了，我十分好奇，忍不住去問她那是甚麼回事，她認得我，坦白告訴我，原來剛才那人入房後發現她雙乳有異，開口問她是否假波，她竟然再次很老實告訴人家是假的，然後那人就走了。我問她為何如此坦白，她很淡淡然地說就是不想騙人，我說這樣你的生意會好難做，她說沒所謂。我很驚訝這一行竟還有這麽率真誠實的女生，毫不介意讓人家知道自己的缺點。說到這裏，大家可能以為她是一個服務態度很求其的囡囡，但其實不是，她倒是一個很細心溫柔的囡囡，服態度絕無問題，可惜就是那硬硬的雙乳和那又尖又高的假鼻，叫人卻步。

其實我們找囡囡，很多時不僅旦求一洩，更多時是為了心靈上的滿足。擁著那柔軟而暖暖的肉體，那種感覺不是你在家中打飛機可以比美，如果能與囡囡在肉體以外有更進一步的交流，甚至能打開心窗說亮話，你自然會繼續找她。反之，如果那囡囡一味滿口阿諛奉承，又或者跟本無法溝通交流，任她樣貌身材如何完美而純天然，你跟她的距離遠比那零點幾毫米的安全套隔膜要遠得多，最終可能連硬也硬不起來。性愛終歸是一種肉體與心靈互相同步的交流，任她有沉魚落雁閉月羞花之容貌、完美無瑕的身材，沒有精神上的交流，再好再真實的肉體也是徒然。

12. 等與被等

正所謂：等待只因渴求。好囡自然多人等又多熟客，熟客又正常都會有囡囡既私下聯絡方法。作為熟客，除左享有更貼心既服務外，因為可以私下聯絡囡囡，自然可以預先約定時間，免受或盡量減少要係門外輪候之苦。有部份囡囡亦會提供專用預約電話，公開俾大家致電預約，但有D只會係客人光顧過之後先決定俾唔俾聯絡方法俾客人，對此我地當然要專重囡囡既商業決定，始於呢個世界乜人都有，囡囡要保護自己，當然有權跟據自己喜好選擇客人，以及選擇邊D客人可以當作熟客，邊D一次就夠。

作為客人，有囡囡電話固然係方便，但囡囡電話係咪應該拎來作為打尖工具？有時候做人要識得設身處地，如果係自己無囡囡電話，要企係門口等，等足個幾鐘，有條友上到來，見到有人排緊隊，就拎個電話出來，當眾打俾囡囡，然後當正自己真係一早約好左咁，大模大樣咁打尖入閘，咁你又會有乜感受？做人處世，如果下下做到咁，只會挑起好多紛爭。作為熟客，打尖都可以打得有技巧，唔駛懶威咁係人地面前打電話既！出來玩為開心，有D野大家識做，做得好睇D，對自己、對囡囡都好。

作為囡囡既，亦應該有返少少職業道德。樣再靚身材再正既囡囡大有人在，人外有人天外有天，就算自己係幾咁旺鐘，幾咁唔憂做，見到出面有人等左好耐，如果未準備好，或者真係一早有booking既，出句聲叫個客轉頭再來，俾人感覺好好多。你視若無睹，任由出面排滿人，阻埋隔離左右姊妹搵食，只會大家無癮。花無百日紅，靠樣貌身材搵食可以靠幾耐？從來最長做長有幾囡囡都係靠口碑搵食，如果口碑做衰左，樣再靚身材再好都唔會做得長，唔使講三五七年咁長，一個名要臭，幾個月已經可以做臭。

總而言之，無論作為客人還是囡囡，只要大家都肯做多少少，對大家都只會係百利而無一害。

11. 節日

有些人常常埋怨，過時過節總會找不到囡囡，卻好像忘記了，其實囡囡也是人，也會有家人、有朋友。囡囡也需要放假，除了每個月的姨媽假外，節日也是她們放假的好時機。

在節日中也有時間搵囡囡的男人，其實也很值得同情，因為這類在節日也不用陪家人、跟朋友們去吃喝玩樂的男人，其實大多是獨身漢。

當別人都在一雙一對、或者三五成群、或是一家共聚天倫時，在這社會某些角落中，仍有這樣的一群孤家寡人，默默無言地繼續過日子，節日對於這類人來說，其實只是平常的一天，只是街上多了些人、多了些裝飾、有點吵……

在節日中仍默默在為淫民服務的囡囡，其實是特別可敬，也特別值得尊重，不論她是因為沒有親友，還是因為甚麼原因被迫要在節日繼續工作，其實都是一件可悲的事。作為一個要在節日中找囡囡解單身之苦的男人，何不花點心思，讓與你一起渡過節日的囡囡有一個難忘而愉快的晚上？

10. 賽後報告

“賽後報告”，原本係大家用來分享搵囡體會既一種方式，可惜近年職業寫手橫行，大量鱔稿報告湧現，以致整個報告交流文化已經變質，開始無人再信報告，認定所有報告都一定係鱔稿，甚至當遇上同報料師兄所講有出入既情況就一口咬定人地係寫手。事實上又係咪真係咁多寫手？講真，寫手呢家野，今時今日已經遍佈各行各業，避無可避，反正其實都只係廣告一則。

但係，出鱔稿又點？鱔稿一定係吹大到離晒罩？其實又未必。我都曾經試過搵一D明顯有搵寫手出鱔稿報告既囡囡，落差當然係有，但又未至於去到跌錢既地步，甚至有D其實都真係幾好。要跌錢既，跟本有無人寫既囡囡都可以令你跌錢，同報告本身無關。

我成日都話：搵囡最忌狗衝。

好多人跌錢原因其實係因為谷精上腦，睇完人地食評之後再加上自己幻想，諗住阿囡好正好正，狗衝去試，試完發現原來無乜特別，就會六神歸位，好認真咁分析阿囡有乜唔好，將阿囡缺點無限放大，然後就會認定係人地吹大左、靠害，繼而認定人地係寫手。事實上係依家好多人已經將“跌錢”同“寫手”呢兩個字濫用，阿囡少少身體上既不足，例如有肚腩，人地無講出來，就覺得人地係寫手。喂大佬啊，人地食完囡覺得正，想分享，緊係講阿囡優點啦，唔通要數晒阿囡既所有缺點出來咩？你又肯定人地風流快活果陣可以好似驗屍官咁吹毛求疵去搵晒阿囡所有缺點？仲有，好似食叉燒咁，有人鐘意食肥，有人鐘意半肥瘦，又有人鐘意全瘦，各有所好。人地唔覺得肥唔等於阿囡真係全走肥，每個人心目中把尺都唔同，亦唔可能走去仔細量度阿囡三圍先再分享。如果盲目跟報告搵囡，自然會遭遇落差。要記住，最後決定入閘果個係你自己，入之前有無睇清楚岩唔岩自己口味係你自己既權利亦係責任。

再者，囡囡係人唔係機器，都有七情六慾，例如師兄A搵阿囡果陣阿囡覺得師兄A好靚仔，加上師兄A又好溫柔體貼，阿囡一見傾心，自然會落力招待，然後師兄A就大讚阿囡好正，師兄B就去試，點知師兄B唔夠靚仔不特止，仲要撞岩阿囡心情唔好，師兄B又唔係特別溫柔體貼既人，阿囡自然會是是旦旦求其交行貨就算，師兄B就會覺得貨不對板。呢D一男子因素，又係咪賽後報告可以有效交代到出來？

講到尾，報告、分享永遠只供參考，唔好因為一D好評而狗衝去試囡，一副唔好蝕、我又要試既心態去搵囡，最後只會失望而回。同時亦無必要一見囡囡明顯有搵寫手就即刻認定佢唔掂。今時今日雖然鱔稿當道，但唔代表所有報告都無參考價值。就算一篇真實報告，其實都只係一個好主觀既個人分享，人地有既我地未必有，今日有既野聽日都唔一定會有，就算係同一個客都係咁話。報告既主要作用只係提醒大家有呢位囡囡既存在，最後呢位囡囡岩唔岩自己心水，其實係好講你同囡囡既緣份，正所謂人夾人緣，如果囡囡做到對個個客都100%一樣服務一樣態度，你自然又會嫌佢公式化，話無驚喜。出來玩係尋開心，係發掘好囡，而唔係搵囡囡既缺點。識享受既人，自然懂得欣賞優點、放大優點，而將缺點忽視，咁先係真正玩樂態度。

9. 語言藝術

囡囡要在這一行站得住腳，最重要的並不是性愛技巧，而是高超的語言藝術。

囡囡每天面對各色各樣的顧客，為我們提供最親密最貼身的服務，就算遇到某些顧客有某些難以接受的問題，有時候也得被逼硬著頭皮去應對，還要在說話上打圓場避免有不愉快的情況，這樣才能站得住腳。久而久之，囡囡就會練成高超的語言藝術，在真話與謊言間游走，甚至把兩者完美結合。

有些人喜歡與囡囡聊天，甚至特意花錢買鐘來只跟囡囡聊天而不發生任何性行為，把囡囡當作社工、心理醫生，對囡囡盡訴日常生活的喜怒哀樂。面對這種客人，有些囡囡會投其所好，說一些客人想聽的話。如果是比較熟悉的客人，對客人有一定程度了解的話，甚至會開始像朋友般認真地為客人分擔他的喜怒哀樂，安慰他。

可是，真心會當你是朋友的囡囡又有幾多？囡囡的工作是多勞多得，在工作場所跟本沒可能花太多時間在一個客人身上，適當運用語言藝術，甚至一些小手段，使這類喜歡滔滔不絕的客人乖乖離開。

所以，千萬別以為自己已經很了解那位你經常光顧的囡囡，相識時間的長短與囡囡是否願意對你交心是沒有絕對對等的關係。只要囡囡不想，無論你光顧她有多頻密，她都不會隨著時間越長而對你交心，反之可能會對你越來越反感，只是她有本事把這個事實掩飾得毫無破綻，讓你繼續自得其樂。就算囡囡願意待你如摯友，已經發展到可以在她工作以外的時間聊一些與她工作完全無關的事，甚至已經約過幾次外出吃飯見面聊天，甚至每次外出吃飯都是由她付賬，情同手足，她始終是個女人，是一個見盡各種男人的女人，她也得在適當時候保護自己。每位囡囡都有自己的故事，可別以為她當你是朋友就一定會對你事事清楚交代，要記住，就算囡囡興你成為朋友，始終也保留著恩客與囡囡的關係，有些事總得有所保留，以保持她在你心目中的形象。

因此，當你發現那位一直能言善辯的囡囡開始對你事事講真心話，甚至讓你知道一些會損害她自己形象的事情，那就代表你在她心目中已佔有一個很重要的位置，重要得她願意完全對你毫無保留了。

8. 爭分奪秒

有好多人搵囡成日好介意自己用左幾多時間去完成佢愛做既事，覺得太快被解決好無面，久而久之，心裏產生出一個無形既秒錶，每次做愛做既事都要計住自己用左幾多時間，控制住搞野既節奏，繼而無辦法盡情享受囡囡既技巧所帶來既快感。

其實出得來玩，就唔應該俾某一D框框套住。活在當下，生活已經夠逼人，如果放左工去玩去搵囡囡開心快活都仲要拎住個秒錶做人，下下斤斤計較，而唔識放鬆心情去盡情享受，咁又點會玩得舒暢？

其實性愛既精髓並唔係時間上，好多人以為插得耐唔射就代表勁，其實只會兩邊不討好，苦了囡囡又辛苦自己。抽插只係一場性交既其中一個環節，如果淨係插都要插成大半個鐘而又唔出野或者出唔到野，其實自己都會好辛苦，甚至攰到軟，軟唔到又出唔到野就仲慘，硬住谷到行又射唔出你估好過癮咩？

真正識得享受性愛既人，係唔會計住自己做左幾耐，因為性既樂趣係無得量化。就係因為出來玩要俾錢每Q計錢，性行為商業化，先會有人開始拎住秒錶來搞野。要記住我地出來玩係要出火係要鬆一鬆，如果要玩到咁精準去計住果幾百蚊可以玩幾耐，忽略左同囡囡互動所產生既各種火花，最終只會得出一場乏味無趣既性行為，咁不如返屋企自己打飛機好過啦！

7. 默契

煙花之地，盡是各色各樣的美女，可是要找一位能和自己建立出默契來的囡囡，談何容易？

我決定不再見“她”了，我很努力去忘掉她，很努力在茫茫囡海中嘗試找回那份默契來取代“她”……

那就像毒癮一樣，明明知道不可以再泥足深陷，卻很難完全戒掉。即使找到了一些在我心目中很完美的囡囡，卻總是欠缺了那份默契。性愛這回事，原本就是“性”“愛”相扣，缺少了“愛”的“性”，就像是沒有牛油果醬的白方包，可以果腹，卻欠缺味道。

要再在別處重新建立起這種默契，真的這麼難嗎？

後來，我開始找到一些也談得來，樣貌身材也很不錯的囡囡，算是朋友了，但跟她相比，還是欠缺了一些感覺、一些默契。

有一天，我跟一位後來相識的囡囡朋友談起我的故事，她很簡潔有力地抛出了一句：“其實每一個囡囡都是這樣，你想爭到一個機會跟她有進一步的發展，財力絕對是最有力而又最基本的武器。”

我這位新朋友，最近有位只識了不足一個月的恩客對她大灑金錢，還要是數以萬計。

回想起來，那個她，雖然昔日我對也曾經對她大灑金錢，但她也常常叫我不要這樣浪費金錢，甚至有一次我生病了但又不捨得花錢去看醫生，她也說要給錢我去看。她常常謊話連篇，卻從沒有打算過在我身上騙過半分錢，反而她明知我沒錢，也不會嫌棄我，願意交我這個朋友，甚至常常關照我，對我也算不錯了吧。只是要更進一步呢，那就不行了。

其實想追求囡囡不是不行，但財力的確是最基本的條件。你花不起錢？對不起，囡囡很難會注意到你，因為有其他男人願意為她大灑金錢來吸引她的注意。你以為經常對她虛寒問暖就能使她感動？對不起，可能她只覺得你很煩擾。你以為床技可以使囡囡戀上你？對不起，一來你很難分辨囡囡是真爽還是假裝，就算你懂得分辨，囡囡真的爽過，但爽過以後她們就會回復清醒，她們知道在這裏是為了賺錢，能爽一下就已經很好了，爽太多反而會很累，影響工作。更甚者，人外有人，天外有天，財力、關懷和床技，都一定會有人比你更多更強，你憑甚麼認為自己就是囡囡心目中的最佳人選？說到底，這是一場確確實實的金錢競賽！現實中其實也是一樣，你追求一個普通女子，也要花錢，甚至花的錢可能要更多，最後卻可能連她的手也沒拖過。說穿了，不論追求甚麼女子，花錢是必須的。煙花之地，其實也只是現實世界中的一個特別行政區而已。

原來，我已經是很幸運的一個，至少到今天，沒有一個囡囡在我身上騙過一分錢，所有錢都是明買明賣的交易，最多都是一千幾百的小費，那都是自願的，更沒有因此傾家蕩產。反而認識了不少囡囡朋友，可以在工作以外有很多話題，甚至一起外出吃飯，比起那些花盡金錢和心思，到最後連約囡囡出街也約不到，又或者要花錢買囡囡時間來聊天、約會的人，已經幸福得多了。

至於那個“她”，最終我沒有斷絕來往，但除了還有聯絡外已經沒有經常見面了。只是那份默契，暫時仍未有另一位囡囡可以取代……

往後的事，其實又有誰會知道？也許下一個“她”，正在某處等待著我去遇上……

又或者，我跟本不應該再在這裏刻意找尋那種“默契”吧！

6. 洗樓

以前D前輩出來玩，得份報紙，又無Google Map，就咁出去慢慢搵，撞板跌錢係家常便飯，經驗亦係日積月累咁跌錢跌出來！

自從網絡發達，乜都可以上網查之後，真係多左好多懶人。上網交流係好正常，亦係討論區既原意，但依家係越來越多人習慣安坐家中上網周圍問人攞料邊度有正囡，仲要叫人PM埋地址電話俾佢，完全唔使經歷洗樓、等待既過程。

其實呢，一樓一既精髓正正就係在於洗樓、等待，然後先從眾多囡囡中搵到合適既一個。Skip晒洗樓、等待呢兩個步驟，直接問網友師兄們攞電話打去約，咁同玩電約、酒店囡有乜分別？洗樓正正係俾你睇板既機會，睇岩先入閘，唔使估估下又或者驚囡不對相。等待時間就可以俾你憑房間內傳出來既聲音，粗略判斷房內囡囡係咪你想要既類型，又或者同其他洗樓師兄吹水交流，實實在在面對面就唔怕佢係寫手老吹。

講到尾，洗樓係一種實地體驗，有好多野，只有親身去行一轉先會了解到。討論區係方便大家交流，但佢只係一個平台，而唔係一個絕對權威。網上既每段消息、分享、報告，都只係我地既參考資料，絕非天書。正所謂讀萬卷書不如行萬里路，只有親自走一轉先會得到最貼近自己想要既答案。怕白行？唔付出過你又點會有收獲？點解唔可以諗下就算本來既目標睇唔岩，都有機會有意外收獲？我自己既反啅list，好多都係我自己洗樓等出來，有D甚至係一直都無人提過又無出廣告，只係我咁岩洗樓睇唔岩原本目標又八卦等埋隔離果個先發現到。如果唔洗樓唔願等，又點會搵到呢D最岩自己口味既囡囡？

5. 高潮

不時會看到有些人問：如何使囡囡達到高潮？
首先，大家必須明白，男女性高潮是有很大的分別。

男人的性高潮，是由生理主導，只要受到足夠的性刺激，便不難達到高潮，繼而射精。可是女人呢？女人天生就是比男人感性，女人的性高潮也是由心理主導，如果女方心理狀況沒有準備好接受男方的刺激，特別是在性交易這種情況下，女人是沒有這麽容易達到性高潮。

女人要有高潮，首先要她在清醒的狀態下，心理上接受你與她發生性行為，才能真正享受男人對她的性刺激，才會容易達到真正的高潮。可是在性交易這種場合上，女人心理上是會抗拒男方的任何性刺激，因為她們的潛意識會清楚告訴她們這只是一場交易，對象是個陌生的、不熟悉的男人，而非有真感情的性行為。再加上一般男人找囡囡進行性交易，主要都是基於生理需要，而每次交易又通常都不是同一囡囡，一般很難一下子就找到囡囡的敏感點，也未必真正有心去找方法意圖刺激囡囡，而只是照搬在家看那些愛情動作片時所見的招式，套用在囡囡身上，而囡囡久經訓練，基本的演技也不缺，因此部分男人就以為自己的床技真的很有水準，也誤以為那些愛情動作片就是學習床技的最佳參考資料。

其實，囡囡放下身段，收取有限的金錢來接受各式各樣陌生男人跟她們發生性行為，心理上本來已經不好過。她們只是用某些方法來掩飾、逃避或麻醉這些心靈上的抗拒感，以便投入這份工作。你想這麽輕易就能令她們真正地享受性愛？對不起，現實是，身經百戰的囡囡們，自己爽與不爽，從來都是由她們主導、由她們自己控制！我們作為恩客，99%都不會是真正的性愛專家，跟本不可能主導這些專業性服務從業員的性高潮，除非是囡囡自己願意享受一下、放鬆一下，你才有機會帶她進入高潮。通往囡囡高潮的大門鎖匙永遠在囡囡手中，別妄想你可以隨便攻破！

出來玩，又何必這麽執著如何才能令囡囡有高潮？當你越想以令女方高潮來證明自己的性能力時，其實已經跟性愛的核心價值背道而馳。與其醉心探求技巧上的知識，倒不如回歸原點，先專心享受每一次性愛，特別是對你真正的另一半，用心感受性愛的真諦，也許你會有更大的啟發……

4. 衝動

每次當洗樓洗到十五十六、不知該試哪位囡囡的時候，其實就是該放棄的時候。因為，在這種選擇困難的情況下隨便選一個來試，往往都會發生所謂“跌錢”的問題。

洗樓看到目不暇給時，男人的本能反應只會越來越想試，由其是在這煙花之地，明明踏上鳳樓時已有食囡的意圖，看完一輪後，如果有不少心儀對象，身為男人，慾火只會越燒越旺。這個時候所下的決定往往會變得欠缺理性，就會種下“跌錢”的伏筆：可能會是選了一個跟自己需求有落差的囡囡，也可以是選了一個服務欠佳的囡囡。

因為心癮而衝動或隨便入閘，通常都會失望而回。慾海無涯，沒有最好，只有更好。如果看來看去也找不到一位自己認為特別吸引的囡囡，又或者覺得那裏的囡囡都是差不多的時候，抽身而去，省回那數百元，留待下次看到一見鐘情的囡囡再衝動一番，也許會是避免失望、“跌錢”的最有效方法。

3. 跌錢

出來玩，叫得尋歡，自然係希望得到愉快享受。 但，有些人總愛吹毛求疵，但又往往花唔起錢，希望用深水埗/觀塘既價錢，得到酒店級既囡囡同招呼！

講真，深水埗、觀塘絕對唔係無好囡，但有時候係睇你自己點睇。你俾得$350，就先唔好期望有$500以上既享受，如果真係有就係你好彩！ 囡囡世界，燕瘦環肥樣樣有，百貨應百客、萬囡應萬佬！見到唔岩心水既，禮貌笑一笑，移玉步去下一間睇，無需要當面對囡囡評頭品足，特別係你唔打算幫襯果陣！

有D人鐘意三五成群去洗樓，睇到唔岩就大聲係走廊說三道四，其實十分無品。久而久之，有乜客就有乜囡！ 其實，煙花之地從來都係等價交換！一分錢一分囡係好正常，咩客遇到咩囡都好合理。你俾得起錢，就會有高一級享受；你有嫖品，囡囡自然以禮相待。

有D人成日話跌錢，一有唔滿意就當住囡囡面直斥其非，其實咁又有乜用先？尋歡係求歡樂唔係求怨恨，就算遇著真係好衰好呃錢既囡囡，你同佢嘈又係要俾錢，仲要激氣，為乜？不幸遇到呢D情況時，一笑置之，冷靜應對先係上策。

跌錢係出來玩必經階段，正所謂：跌過痛過先至係真英雄！你跌過錢，自然經一事長一智，到某個程度你就自然唔會再(覺得)跌錢。

講到尾，出來玩唔好有過度期望，始終囡囡出得來做，總有佢不足之處，可能係外觀上，可能係心理上。只要認清自己喜好，對號入閘，以禮相待，總不會得到太差待遇，最多下次食好D。如果下下睇都唔睇清楚就狗衝入閘，後悔又要當住囡囡講，人地囡囡都係人，都有自尊心，都有阿媽生，下下當面踩到盡，甚至問候埋人地老母，肯定會不歡而散，尋歡變尋仇，對自己、囡囡同下一個師兄都無好處！

2. 熟客以上

有些囡囡，只會在你人生中的其中四十分鐘出現過。
有些囡囡，卻可能是你下半生常常見面的一個女人……  

熟客，也許只是代表你找那囡囡多一點、頻密一點，更進一步的，可能也只是你給予她多了一點……
熟客以上，卻已超出了那本應純粹的商業關係……
打個比喻：囡囡就好像保險經紀，她們可以為了生意或甚麼其他原因跟你熟絡。也許你沒有特別給予她很多，她都可以待你如朋友，正如保險經紀特別喜歡交朋結友一樣。因為，也許你不一定在金錢上滿足到她，但可以幫他出個報告、介紹朋友幫襯她，甚至當她的觀音兵，為她奔走打點大小事務。這種關係也可稱為朋友，但說穿了，只是利益朋友。

當你以為你已經跟囡囡很熟絡時，然後開始打算有進一步發展前，請先停一停想一想：你真的很了解她嗎？

怎樣才算是很了解一個囡囡？

知道她的全名？真實年齡、生日日期？她的故事？……甚至見過她的家人？

就算以上的全部知道了，那又怎樣？

其實，每個人，特別是女人，特別是囡囡，總會對他人有所保留，如果妄想囡囡這麽輕易就對你坦白、對你毫無保留，那只會碰壁碰到焦頭爛額。任何一段正常的關係都不會是強求得來，每個人都有自己的空間，別妄想隨意入侵別人的內心世界，特別是囡囡，她們比任何其他女人更懂得保護自己，所以她們絕不會輕易對別人，特別是男人坦白。別以為有錢就可以為所欲為，甚至收買到囡囡的心，天下有錢人、願意花錢的人絕對比你想像中多。可能一個囡囡就有幾個這樣的熟客，但這些熟客，99%是永遠無法在熟客關係上再跨進一步。只有順其自然，才有可能跟囡囡超越熟客的關係……

1. 執著

出來玩左咁耐，燕瘦環肥、巨乳、飛機場、硬膠波、高仿波、木偶鼻、整容……有乜未見過甚至試過？！

出得來消費，或多或少都應該會有份執著，有條底線。大家對以上各項既底線又去到邊？

初初出來玩果陣，跟本乜都唔識，就算係硬膠波都可以當係真波咁揸過不亦樂乎。可是，玩多左，自然就會成長，就會越來越有要求。漸漸就會發覺越來越多囡揀唔落手，就算俾著以前可能會狗衝入閘既囡，依家都會諗清諗楚係咪真係掂、係咪真係入得過？結果，真係上得過既越來越少，新囡驚跌錢唔敢試，搵開既亦可能隨住經驗增長而可能發現一啲不能接受既問題……到最後，究竟仲有乜囡上得過？

有啲囡，可能係自己既執著而變得不可食用，但在客觀而言，又的確有可取之處，例如功夫非常了得。究竟又應該如何取捨？ 有些人也許會覺得，出來㩒鐘仔只係為左剎那快感，不必太過執著，但作為消費者，又是否可以如此求其了事？